Kvar leir har sin sjarm og funksjon. Og det var verkeleg kjekt å sitja ved langbord under måltida og bli kjent med alle deltakarane. Torsdagskvelden då me kom var det kveldssamling m/andakt og leikar og etterpå grilling av hamburger og marshmallows. Fredagen reiste me til Vikafjellet; åt graut, steikte lappar, bada i vatnet (dei sprekaste av oss) og rann på rumpebrett på snøen. Sola skein nesten og det var 20 grader :)

Om natta var det meininga me skulle opp på ein fjelltopp ovanfor Helgatun og venta på soloppgongen. Veret var dessverre ikkje på vår side; tett skodda og regn, men me trossa veret og gjekk ein tur likevel. Me søkte ly under stolheisen (på toppen), og koste oss med solbærtoddy og pizzasnurrar m.m. Ei uforgløymeleg oppleving. Neste dag fekk me sova heilt til 1130. Ikkje ofte me et frukost 1200 på leir!

Laurdag ettermiddag var det teambuilding og bading i elva før leirfest, vaffelsteiking og delestund. Kvar kveld hadde me kveldssamling med andakt og song.

Om føremiddagen samlast me til bibeltime med tema "Følg meg". Matt 4,19 var eit sentralt vers der Jesus seier til Simon Peter og broren Andreas: "Kom, følg meg, så skal eg gjera dykk til menneskefiskarar".

Me vart også kjent med historia bak WWJD (What would Jesus do), og kva det vil seia å Likna Jesus.

Velkommen igjen til ungdomsleir på Helgatun 3.-5. desember :)

Grillkos på Helgatun første leirkveld